Learner’s Licence dil tura DTO Office –a mi tam tak kal khawm thin leh  Covid 19 Pandemic-in ram pum a nuai avangin   Department chuan chung pumpelhna atan leh Learner’s Licence dilna atan Counseling Class an neih thin chu Office kal buai kher ngai lo a, mahni In lum atanga Learner’s Licence an neih theihna atan  Online Faceless Learner’s Licence chu 1^st November, 2022 khan Pu KT Beicho, IRAS, Commissioner & Secretary Transport Department chuan Transport department Conference hall-ah a hawng. Learner’s Licence hi Aadhaar hmanga kan dil a nih chuan Office kal buai miah lovin Learner’s Licence kan nei thei a, Aadhaar hmang lova kan dil erawh chuan document endik turin Office tlawh a ngai thung.  Online Faceless Learner’s licence hawn a nih atang hian DTO office lama mipui tam tak kal khawm thin pawh nasa takin a tlak hniam phah nasa hle a ni. Online-a dil tur chuan Transport department Website https://transport.mizoram.gov.in ah lutin Online services-ah lut lehin hemi atang hian awlsam takin a dil theih a ni.