HRIATTIRNA

                        State Transport Authority in passenger phur thei tura phalna a pek te chuan Passenger Tax an chawi thin a. Mizoram-ah chuan Two Wheeler Taxi, Auto Rickshaw, Four Wheeler Taxi, Maxi Cab, Bus leh Rental Car te hian Passenger Tax an pe a, heng lirthei ho te chauh hi man chawia hman theih an ni.

                        Hetiang anih lai hian mimal, company/firm leh sorkar Department thenkhat te’n mimal motor (Private regd. Vehicle) an lo hmang thin tih hriat a ni a. Hemi chungchang hi 13^th December 2024 – a State Transport Authority Meeting chuan ngun takin a ngaihtuah a. Mimal motor hire hi MV Act leh Rule kalh tlat anih avangin a ngai pawimawh hle mai a. Tun hnuah chuan mimal motor hmang lova, phalna nei ngei Passenger Service Vehicle chauh lo hmang tawh turin kan in hriattir a ni.

                        Tin, mimal motor neitu thenkhat, lo in hire tir thin te kan awm anih chuan ti tawh lo turin kan in hriattir e. Hriat chhuah an nih chuan dan anga hremna lekkawh tur a ni e.